تخيل تكتشف… إن الشخصية اللي عايش بيها طول عمرك… ممكن ما تكونش أنت أصلًا

تخيل تكتشف… إن الشخصية اللي عايش بيها طول عمرك… ممكن ما تكونش أنت أصلًا. وإن أغلب قراراتك… وطريقتك… وحتى ردود فعلك… مجرد عادات… اتكررت كتير… لدرجة إنك افتكرتها حقيقتك. 0والسؤال المرعب هنا: لو كل ده مش أنت… يبقى أنت مين فعلًا؟ لو سألتك دلوقتي: هو أنت فاهم نفسك بجد؟ ولا بس متعود على النسخة اللي عايش بيها؟ هيكون إيه ردك؟ معظم الناس فاكرة إنها عارفة نفسها… لكن الحقيقة؟ هي لسه في أول Level في اللعبة. في الفيديو ده هتفهم: ليه أحيانًا بتحس إنك شخص مختلف حسب الناس اللي حواليك… وليه في صفات فيك ممكن أصلًا ما تكونش شخصيتك… وإزاي العادة ممكن تسرق هويتك… من غير ما تلاحظ. ومع نهاية الفيديو… هتبص لنفسك بشكل مختلف تمامًا. بس مهم جدًا تكمل للنهاية… لأن الفيديو ده معمول كرحلة مترابطة… وكل جزء فيه… هيكشفلك حاجة عن نفسك. خلينا نفترض إن الحياة لعبة فعلًا… وكل واحد فينا بطل فيها. بس مش كل الأبطال فاهمين قدراتهم. وفي اللعبة دي… مش هتعرف قوتك غير لما تتحط تحت ضغط… ومش هتكتشف نفسك غير لما تواجه تحديات حقيقية. كل Level بتعديه… بيكشف لك جزء جديد منك… يمكن عمرك ما شوفته قبل كده. بس الخطر الحقيقي… إنك تفضل Stuck في نفس الـ Level… وتصدق إن دي حدودك. وفي حاجة أخطر بكتير أغلب الناس مش واخدة بالها منها… إنك ممكن تكون مش عارف نفسك… مش لأنك شخص غامض… لكن لأنك اتعودت على نسخة معينة منك… لدرجة إنك صدقت إنها “أنت”. اتعودت تسكت… فاتصورت إنك هادي. اتعودت تهرب من المواجهة… فاقتنعت إنك شخص مسالم. اتعودت تخاف من التجربة… فبقيت تقول: “أنا مش من النوع اللي بيجرب.” ومع الوقت… العادة بتتحول لهوية. وتفضل تكرر نفس التصرفات… بنفس الطريقة… مع نفس الناس… لحد ما تنسى أصلًا: هل دي شخصيتك فعلًا؟