کالیشورم کمیشن پر ہائی کورٹ کے فیصلے کا خیرمقدم، بی آر ایس کارکنوں کی جشن منانے کی تقریب ہنمکنڈہ سے بڑی خبر۔ کالیشورم پروجیکٹ پر قائم کمیشن کے خلاف ہائی کورٹ کے فیصلے کے بعد بی آر ایس پارٹی قائدین اور کارکنوں میں خوشی کی لہر دوڑ گئی۔ بی آر ایس پارٹی ہنمکنڈہ ضلع صدر، سابق گورنمنٹ چیف وِپ اور سابق رکن اسمبلی داسیم بھاسکر نے پارٹی کارکنوں کے ہمراہ ہنمکنڈہ چوراستہ پر جشن منایا۔ اس موقع پر آتش بازی کی گئی، مٹھائیاں تقسیم کی گئیں اور کارکنوں نے زبردست مسرت کا اظہار کیا۔ داسیم بھاسکر نے کہا کہ سابق وزیراعلیٰ کے سی آر نے تلنگانہ کو سرسبز و شاداب بنانے اور ایک کروڑ ایکڑ زمین کو سیراب کرنے کے مقصد سے دنیا کے عظیم ترین کالیشورم پروجیکٹ کی تعمیر انجام دی تھی۔ انہوں نے الزام عائد کیا کہ کانگریس حکومت نے سیاسی سازش کے تحت کالیشورم پروجیکٹ پر کمیشن قائم کیا تاکہ کے سی آر کو بدنام کیا جا سکے۔ انہوں نے کہا کہ ہائی کورٹ کا حالیہ فیصلہ کانگریس کی انتقامی سیاست اور جانبدارانہ رویہ پر زوردار طمانچہ ہے۔ داسیم بھاسکر نے مزید کہا کہ کانگریس حکومت کی تمام سازشیں عدالت کے فیصلے سے بے نقاب ہو گئی ہیں اور کمیشن کی کارروائی بے بنیاد ثابت ہوئی ہے۔ اس موقع پر پارٹی کارکنوں نے کے سی آر کی تصویر پر دودھ سے ابھشیک بھی انجام دیا اور جشن کا سلسلہ جاری رکھا۔ مزید خبروں کے لیے دیکھتے رہیے دستور نیوز ڈاٹ کام
0:00 / 0:00