میں نیچے کھڑا تھا اپنے دل کی دھڑکن سنتے ہوئے ۔ میں نے نجانے کتنی اموات دیکھی تھیں لیک

میں نیچے کھڑا تھا اپنے دل کی دھڑکن سنتے ہوئے ۔ میں نے نجانے کتنی اموات دیکھی تھیں لیکن ہر موت کے بعد کوئی نا کوئی شور ہوتا تھا رونا۔ چلانا ۔ غصہ یا آہستہ آہستہ لوگوں کا تِتر بِتر ہونا ۔ یہاں کچھ بھی ویسا نہیں تھا ۔ لوگ ایک دوسرے کی طرف دیکھ رہے تھے جیسے کسی نے ان کا ایمان ہِلا دیا ہو ۔ تھوڑی دیر بعد حُکم مِلا کہ دیکھ لِیا جائے کہ تینوں مر چکے ہیں ؟ کیونکہ شام ہونے سے پہلے سب کچھ مکمل ہونا چاہیے تھا ۔ میرے ہاتھ اپنے آپ آگے بڑھے اور میں نے بھالا اٹھایا پاس کھڑے سپاہیوں نے دونوں ڈاکووں کی ٹانگیں توڑیں تاکہ ان کی موت جلد ہوسکے ۔ لیکن جب میں اُس کے پاس پہنچا تو مَیں نے محسوس کِیا اُس کی ٹانگیں توڑنے کی ضرورت نہیں ہے ۔ پھر بھی حُکم کو پورا کرنا تھا میں نے بھالے کی نوک اس کی پسلیوں میں چُھبو دی ۔ خون اور پانی ایک ساتھ بہہ نکلے اور اِس نظارے نے میرے اندر چھپے ڈر کو اور مزید گہرا کردیا۔ یہ جیسے کسی کہانی کا آخری صفحہ ہو ۔ میں پیچھے ہٹا اور اپنے ہاتھوں کو دیکھا یہ وہی ہاتھ تھے جنہوں نے کیلیں ٹھونکی تھی؟ جنہوں نے بھالا چلایا تھا ؟ اور روم کے کے لیے اِن گنت کام کیے تھے ۔ لیکن آج یہ ہاتھ مجھے اپنے نہیں لگ رہے تھے میرے اندر کچھ ٹوٹ رہا تھا یا پھر کچھ بن رہا تھا تبھی میرے ہونٹوں سے اچانک لفظ نکل گئے جنہیں میں روک نہ پایا تھا یہ کوئی اعلان نہیں تھا یہ میرے ضمیر کی سچائی تھی جو اچانک آواز بن گی ۔ میں نے کہا سچ مُچ یہ انسان ایماندار تھا اور شاید خدا کا بیٹا بھی ۔ میرے آس پاس کھڑے سپاہی مجھے عجیب نظروں سے دیکھنے لگے لیکن کسی نے مجھے ٹوکا نہیں کیونکہ اُس پل ہر کوئی کچھ نہ کچھ محسوس کررہا تھا جسے لفظوں میں باندھنا آسان نہ تھا ۔