جیسا کہ شہنشاہ صوفی فقیر سید انور سائیں کے طالب فقیر بہت بڑی تعداد میں ہیں، اسی طرح ا

جیسا کہ شہنشاہ صوفی فقیر سید انور سائیں کے طالب فقیر بہت بڑی تعداد میں ہیں، اسی طرح ان کے ان طالب فقیرون میں سے کچھ ایسے بلند مرتبہ بزرگ بھی پیدا ہوئے جن کے خود ہزاروں مرید اور طالب موجود ہیں۔ یہ تمام طالب فقیر اپنے مرشد کے بتائے ہوئے راستے پر چلتے ہوئے انسانیت کی بھرپور خدمت کر رہے ہیں۔ ان میں سے چند کا مختصر حال درج ذیل ہے الہڈنو فقیر الہڈنو فقیر سائیں جن کے پہلے طالب فقیر تھے جنہیں یہ شرف حاصل ہوا۔ آپ ذات کے مَلھڻ تھے اور درگاہ جہانپور شریف کے قریب ان کا گاؤں واقع تھا۔ آپ ایک بلند مرتبہ درویش تھے۔ ہمیشہ اپنے مرشد کی عبادت اور ریاضت میں مشغول رہتے تھے۔ ان کی آنکھوں سے ہر وقت آنسو جاری رہتے تھے، جس کی وجہ سے ان کی آنکھیں سرخ رہتی تھیں۔ آپ اپنے مرشد کے آستانے کے قریب ہی آرام فرما ہیں۔ منگھن فقير منگھن فقیر ذات کے مشوری تھے۔ آپ سائیں جن کی محبت میں رنگے ہوئے اور معرفتِ الٰہی کے متلاشی تھے۔ آپ سائیں جن کے بہت پیارے طالب فقیر تھے اور آپ کے بھی کئی مرید تھے۔ آپ کا مزار انور سائیں کی درگاہ کے قریب واقع ہے۔ شائق فقیر شائق فقیر عمراثی ذات کے اور ضلع جیکب آباد کے رہائشی تھے۔ ان کا اصل نام چاکر خان تھا۔ آپ سائیں جن کی محبت میں آ کر طالب فقیر بنے اور ہمیشہ اپنے مرشد کے عشق میں مست رہتے تھے، اسی لیے انہیں “شائق” کہا جاتا ہے۔ انہوں نے مرشد کے عشق میں بہت خوبصورت شاعری کی۔ ان کی شاعری کا موضوع عشقِ حقیقی اور محبتِ مرشد تھا۔ ان کے کئی مرید بنے۔ ان کا مزار ان کے آبائی گاؤں ضلع جیکب آباد میں ہے، جہاں ہر سال رجب کے مہینے میں میلہ لگتا ہے