AchirdUse these settings →
ذوکوئی کو وہاں ایسی حیثیت حاصل ہو گئی تھی کہ وہ کمانڈروں پر بھی حکم چلانے لگی تھی ۔ دربان کے روکنے سے وہ سمجھ گئی کہ کوئی خاص بات ہے ۔ اسے یاد آیا کہ دو راتیں پہلے ناجی نے اس کی موجودگی میں اوروش سے کہا تھا میں عیسائی بادشاہوں کو مدد کے لیے بلا رہا ہوں ۔ تم دو پیامبر تیار کرو ۔ انہیں بہت دور جانا ہے اور پھر اس نے ذوکوئی کو اپنے کمرے میں چلے جانے کو کہا تھا اور اُس نے بغاوت کی باتیں بھی کی تھیں ۔ یہ سب کچھ سوچ کر وہ اپنے کمرے میں واپس چلی گئی ۔ اس کے اور ناجی کے خاص کمرے کے درمیان ایک دروازہ تھا جو دوسری طرف سے بند تھا۔ اس نے اس دروازے کے ساتھ کان لگا دیئے ۔ اُدھر کی آوازیں دھیمی تھیں۔ اسے کوئی بات سمجھ نہ آئی ۔ کچھ دیر بعد اُسے ناجی کی بڑی صاف آواز سنائی دی ۔ اس نے کہا آبادیوں سے دور رہنا۔ اگر کوئی شک میں پکڑنے کی کوشش کرے تو سب سے پہلے یہ پیغام غائب کرنا ۔ جان پر کھیل جانا ۔ جو بھی راستے میں حائل ہو اُسے ختم کر دینا۔ تمہارا سفر چار دنوں کا ہے ۔ تین دنوں میں پہنچنے کی کوشش کرنا ۔ سمت یاد کر لو۔ شمال مشرق " دونوں آدمی باہر نکلے۔ ذوکوئی بھی باہر آگئی ۔ اس نے دیکھا کہ وہ دونوں گھوڑوں پر سوار ہو رہے تھے۔ ناجی اور اوروش بھی باہر کھڑے تھے۔ سواروں کو الوداع کہنے نکلے ہوں گے ۔ سوار بہت تیزی سے روانہ ہو گئے۔ تاجی نے ذوکوئی کو دیکھا تو اسے بلا کر کہا "میں باہر جا رہا ہوں ۔ کام بہت ہے۔ تم آرام کرو ۔ اگر اکیلے دل نہ لگے تو حرم میں گھوم پھر آنا۔ ہاں ! ذوکوئی نے کہا ۔ جب سے آئی ہوں باہر نہیں نکلی " ناجی اور او روش چلے گئے۔ ذوکوئی نے چغہ پہنا ۔ کمربند میں خنجر اڑسا اور حرم کی طرف چل پڑی ۔ وہ جگہ چند سو گز دور تھی ۔ وہ ناجی پر یہ ظاہر کرنا چاہتی تھی کہ وہ حرم میں گئی تھی ۔ در بان کو بھی اس نے یہی بتایا۔ حرم میں داخل ہوئی تو وہاں کی رہنے والیوں نے اسے حیران ہو کے دیکھا۔ وہ پہلی دفعہ وہاں گئی تھی ۔ سب نے اس کا استقبال احترام اور پیار سے کیا ۔ اُن دو لڑکیوں نے بھی اسے خوش آمدید کہا جو اسے قتل کرانا چاہتی تھیں ۔ ذوکوئی سب سے ملی۔ ہر ایک کے ساتھ باتیں کیں اور واپس چل پڑی ۔ وہ خرانٹ ملازمہ بھی وہیں تھی جسے اس کے قتل کے لیے کہا گیا تھا ۔ اس نے ذوکوئی کو بڑی غور سے دیکھا ۔ ذوکوئی باہر نکل گئی ۔ حرم والے مکان اور ناجی کی رہائش گاہ کا درمیانی علاقہ اونچا نیچا تھا اور ویران