Pichle kuch saalon mein Pakistan mein bijli ke bills ne logon ko majboor kar diya hai ke woh alternative energy ki taraf dekhein. Har doosre ghar mein koi na koi solar ke baare mein pooch raha hota hai. Lekin bohat se log samajhte hain ke solar business ka matlab sirf lakhon ke panels khareedna hai. Aisa bilkul nahi. Is field mein installation, maintenance, inverter, battery, wiring, mounting structure aur after-sale service tak bohat opportunities hain. Agar aap technical knowledge hasil kar lein aur ek achi team bana lein to bina bohat badi investment ke bhi is market mein entry ki ja sakti hai. Sab se achi baat ye hai ke jab ek customer khush hota hai to woh aksar apne rishtedaron aur doston ko bhi recommend karta hai. Yani ek kaam se kai naye customers mil sakte hain. Yahan ek aur baat samajhiye. Bohat se log business is liye fail karte hain kyun ke woh demand dekhne ke bajaye competition dekhte hain.
0:00 / 0:00