لیکن ملک مسلسل ترقی کر رہا ہے۔ دو ہزار چوبیس اور دو ہزار پچیس میں جی ڈی پی گروتھ تقری

لیکن ملک مسلسل ترقی کر رہا ہے۔ دو ہزار چوبیس اور دو ہزار پچیس میں جی ڈی پی گروتھ تقریباً چار فیصد رہی جو یورپ میں سب سے تیز رفتار ترقی کرنے والی معیشتوں میں سے ایک ہے۔ البانیہ کی معیشت کا سب سے بڑا ستون اس وقت سیاحت ہے جو پوری جی ڈی پی کا تقریباً چھبیس فیصد ہے۔ دو ہزار چوبیس میں ایک کروڑ سترہ لاکھ سیاح البانیہ آئے۔ یہ تعداد خود البانیہ کی آبادی سے چار گنا زیادہ ہے۔ سیاحت سے تقریباً پانچ ارب یورو کی آمدنی ہوئی۔ اس کے علاوہ زراعت، تعمیرات اور بیرونِ ملک بسے البانیوں کی بھیجی ہوئی رقم بھی معیشت میں اہم کردار ادا کرتی ہے۔ البانیہ میں کام کرنے والے عام شخص کی ماہانہ اوسط تنخواہ دو ہزار چھبیس میں تقریباً آٹھ سو سے نو سو یورو ہے۔ یہ مغربی یورپ کے مقابلے میں کم ہے۔ لیکن زندگی گزارنے کا خرچ بھی بہت کم ہے۔ ایک کپ کافی صرف پچاس پیسے یورو۔ ایک اچھے ریسٹورنٹ میں کھانا پانچ سے دس یورو۔ یعنی اگر آپ یورپ کا سستا سفر کرنا چاہتے ہیں تو البانیہ آپ کے لیے جنت ہے۔ اب وہ سوال جو آپ سب کے ذہن میں ضرور ہوگا۔ کیا پاکستانی اور ہندوستانی البانیہ جاتے ہیں؟ سچ بات یہ ہے کہ ابھی تک البانیہ میں پاکستانی اور ہندوستانی کمیونٹی بہت بڑی نہیں ہے۔ لیکن یہ بڑھ رہی ہے۔ خاص طور پر نوجوان طلبہ اور کاروباری افراد البانیہ کی طرف رخ کر رہے ہیں۔ کیونکہ وہاں یونیورسٹیوں میں انگریزی اور اطالوی زبان میں بہت سے کورسز دستیاب ہیں۔ اور ٹیوشن فیس یورپ کے دوسرے ممالک کے مقابلے بہت کم ہے۔ دوستو اگر آپ ہوائی جہاز سے دارالحکومت تیرانہ میں اترتے ہیں اور پہلا منظر جو آپ کو ملتا ہے وہ ہے رنگ برنگی عمارتیں۔ جی ہاں، تیرانہ میں کئی سال پہلے ایک میئر نے فیصلہ کیا کہ کمیونزم کے زمانے کی سرمئی اور اداس عمارتوں کو روشن رنگوں سے رنگا جائے۔