اس وقت یہ دینی درسگاہ ایک بڑی رقم کی مقروض ہے، اور آپ کی زکوٰۃ اس کے لیے ایک بہترین ا

السلام علیکم ورحمۃ اللہ وبرکاتہ علم و تحقیق کے فروغ کے لیے ایک عظیم الشان منصوبہ، جامعہ دارالسلام اینڈ اسلامک ریسرچ سنٹر، ضلع بونیر، آٹھ کنال سے زائد وقف فی سبیل اللہ زمین پر قائم کیا جا رہا ہے۔ یہ ادارہ دینی اور عصری تعلیم کا ایک جامع مرکز ہوگا، جہاں حفظِ قرآن سے لے کر افتاء اور تخصص تک، اور پانچویں جماعت سے لے کر پی ایچ ڈی تک تعلیم دی جائے گی۔ اس منصوبے میں بارہ سو نمازیوں کے لیے ایک وسیع جامع مسجد، چار سو طلبہ کے لیے ہاسٹل، سائنس اور کمپیوٹر لیبارٹریز، لائبریری، اور سکول و مدرسہ کے لیے جدید کلاس رومز شامل ہیں۔ یہاں پانچویں جماعت کے طلبہ بیک وقت سکول اور مدرسہ دونوں میں داخلہ لے سکیں گے۔ حفظِ قرآن، تجوید اور درسِ نظامی کے ساتھ ساتھ سمسٹر سسٹم کے تحت میٹرک، ایف ایس سی، بی ایس، ایم فل اور پی ایچ ڈی کی تعلیم بھی فراہم کی جائے گی۔ اسی طرح تخصص فی التفسیر، تخصص فی الحدیث، تخصص فی الفقہ اور افتاء کا باقاعدہ نظام بھی اس ادارے کا حصہ ہوگا۔ محترم حضرات! اس وقت یہ دینی درسگاہ ایک بڑی رقم کی مقروض ہے، اور آپ کی زکوٰۃ اس کے لیے ایک بہترین اور مستحق مصرف ہے، تاکہ اس قرض کو ادا کیا جا سکے۔ آپ حضرات نقد مالی تعاون کے علاوہ سریہ، اینٹ اور سیمنٹ کی صورت میں بھی حصہ ڈال سکتے ہیں۔ اس نیک اور بامقصد کام میں اپنے صدقات، خیرات اور زکوٰۃ کے ذریعے تعاون فرمائیں۔ یہ آپ، آپ کے اہل و عیال اور آپ کے والدین کے لیے ایک عظیم صدقۂ جاریہ بنے گا۔ ان شاء اللہ تعالیٰ