AchirdUse these settings →
Duniya mein ek aisi jagah mojood hai jahan se guzarnay walay jahaz aur hawai jahaaz achanak ghaib ho jate hain… aur hairat ki baat yeh hai ke woh kabhi wapas nahi aate. Is jagah ko Bermuda Triangle kehte hain. Yeh Atlantic Ocean ka woh hissa hai jo Florida, Bermuda aur Puerto Rico ke darmiyan waqia hai. Log isay Devil’s Triangle bhi kehte hain, kyun ke yahan hone wali ghatnayein aaj tak science ke liye ek paheli bani hui hain. 1945 mein 5 American fighter planes ek training mission par niklay… lekin woh kabhi wapas nahi aaye. Unka aakhri message tha: “Hum raasta bhatak gaye hain… compass kaam nahi kar raha… sab kuch ajeeb lag raha hai…” aur phir achanak sab kuch khamosh ho gaya. Na un planes ka koi nishan mila… na unke pilots ka. Aisa lagta hai jaise woh hawa mein hi ghaib ho gaye hon. Sirf yeh hi nahi… is ilaqay se guzarnay walay kai jahaz bhi bina kisi trace ke ghaib ho chuke hain. Kuch reports ke mutabiq, jab rescue teams unhein dhoondne nikli, to woh khud bhi laapata ho gayin. Ab sawal yeh paida hota hai ke aakhir yahan hota kya hai? Kuch log kehte hain ke yeh sab zameen ke magnetic field ki wajah se hota hai, jo compass aur navigation system ko fail kar deta hai. Lekin phir bhi yeh wazahat poori tarah se sab kuch explain nahi karti. Kuch log isay aliens ka kaam samajhte hain… jo insani technology ko control kar lete hain. Aur kuch log yeh bhi kehte hain ke yahan ek time portal mojood hai… jahan waqt aur haqeeqat dono badal jate hain.