CharonUse these settings →
محسود قبیلہ کا شجرہ نسب بحوالہ وزیرستان آپریشن اور غیرت مند مسلمان محسود محمود کا بیٹا خدرے کا پوتا اور وزیر کا پڑپوتا ہے۔ محسود کے دو بیٹے تھے ایک علی تھا جس کی اولاد علی زئی کہلاتی ہے، دوسرا بہلول جس کی اولاد بہلول زئی کہلاتی ہے۔ علی کے دو بیٹے تھے ایک فتح خیل جس کی اولاد فتح خیل مگر کچھ لوگ انہیں پوتیا خیل کہتے ہیں دوسرا شاون جس کی اولاد شمن خیل کہلاتی ہے۔ فتح کے دو بیٹے تھے۔ ایک کا نام شہاب تھا، جس کی اولاد شہابی خیل کہلاتی ہے۔ شہاب کے 6 بیٹے تھے۔ اور یہ 6 پھر شاخ در شاخ تقسیم ہیں۔ فتح کے دوسرے بیٹے کا نام منزئی ہے۔ اور منزئی کے تین بیٹے تھے جو شاخ در شاخ تقسیم ہے۔ (محمد انور ہاشمی نے لکھا ہے کہ منزئی قبیلہ اپنے آپکو پشتونوں کے درانی قبیلے کا حصہ سمجھتے ہیں۔ اور اپنے مورث اعلیٰ کا نام براق بتاتے ہیں۔ براق کے متعلق ان لوگوں کا کہنا ہے کہ وہ ایک درویش انسان تھا اور اللہ تعالیٰ کا ولی تھا جس کی کرامات کا داستان تفصیل طلب ہے۔ مختصر یہ کہ براق افغانستان سے آیا تھا۔ براق کا ایک بیٹا امان تھا۔ امان کے چار بیٹے تھے۔ ایک کا نام ملک دین تھا جس کی اولاد ملک دینائی کہلاتی ہے۔ دوسرے کا نام گیدائی تھا اس کی اولاد گیدی خیل کہلاتی ہے۔