Smile کی کہانی روز کاٹر نامی ایک سائیکاٹرسٹ کے گرد گھومتی ہے جو نیوارک کے ایک نفسیاتی اسپتال میں کام کرتی ہے۔ ایک دن اس کے پاس لورا ویور نامی ایک طالبہ آتی ہے جو شدید خوف میں مبتلا ہوتی ہے۔ لورا بتاتی ہے کہ اس نے اپنے پروفیسر کو اپنے سامنے خودکشی کرتے دیکھا تھا، اور اب ایک پراسرار اور نظر نہ آنے والی ہستی اس کا پیچھا کر رہی ہے۔ یہ ہستی مختلف لوگوں کی شکل اختیار کرتی ہے، لیکن ہر چہرے پر ایک خوفناک مسکراہٹ ہوتی ہے۔ کچھ ہی لمحوں بعد لورا اچانک اپنے گلے پر چاقو پھیر کر روز کے سامنے خودکشی کر لیتی ہے۔ اس واقعے کے بعد روز کی زندگی بدل جاتی ہے۔ اسے ہر جگہ عجیب مسکراتے ہوئے لوگ دکھائی دینے لگتے ہیں۔ کبھی وہ اپنے مریض کارل کو خوفناک انداز میں مسکراتے دیکھتی ہے، تو کبھی رات کے اندھیرے میں لورا کا سایہ اس کا پیچھا کرتا ہے۔ روز کی ذہنی حالت خراب ہونے لگتی ہے، اور اس کے قریبی لوگ سمجھتے ہیں کہ وہ اپنی ماں کی طرح ذہنی بیماری کا شکار ہو گئی ہے، کیونکہ بچپن میں اس نے اپنی ذہنی مریضہ ماں کو مرتے دیکھا تھا۔ تحقیقات کے دوران روز کو پتا چلتا ہے کہ یہ ایک خطرناک curse ہے جو ایک شخص سے دوسرے شخص تک منتقل ہوتا ہے۔ جو بھی کسی متاثرہ شخص کی خوفناک خودکشی دیکھتا ہے، وہ چند دن بعد خود اسی انجام کا شکار ہو جاتا ہے۔ روز اور اس کا سابق بوائے فرینڈ جوئیل پولیس ریکارڈز دیکھتے ہیں اور جانتے ہیں کہ صرف ایک شخص اس curse سے بچا تھا، کیونکہ اس نے کسی اور کو قتل کر کے curse آگے منتقل کر دیا تھا۔
0:00 / 0:00