AchirdUse these settings →
صوفی فقیر استاد عنایت اللہ دایو۔ صوفی فقیر استاد عنایت اللہ دایو جو کہ استاد الاساتذہ مانے جاتے ہیں۔ آپ ایک پرائمری استاد تھے۔ جب آپ نے اپنے مرشد کا ہاتھ پکڑا تو سونے پہ سوہاگہ ہو گئے۔ آپ علم کا سمندر تھے۔ اردو، سندھی، فارسی، عربی پر عبور تھا۔ استاد عنایت اللہ کو شاھ عبدالطیف کے رسالے پر عبور تھا۔ یہ سب مرشد کی دین تھا۔ آپ کے والدین اصل میں سکھر سندھ سے تھے پر جب استاد عنایت اللہ کی والدہ ماجدہ نے سید انور علی شاھ کا ہاتھ پکڑا تو آپ کا خاندان مرشد کے شہر میں سکونت اختیار کرنے لگا۔ سید انور علی شاھ استاد عنایت اللہ کوپیار سے ناچو کہ کر بلاتے تھے۔ صوبہ بھر سے لوگ علمی اور عقلی سوالات لیکر جب استاد عنایت اللہ سے ملتے تھے تو ان کی ایسے رہنمائی فرماتے تھے کہ زندگی بھر وہ نہ بھول پاتے۔ آپ کے گھرانے اے انوار سائیں کا بہت پیار تھا۔ آپ کی زوجہ بھی انور سائیں کی دست بیعت تھیں۔ استاد عنایت اللہ کو حضور سائیں بھی استاد کہ کر بلاتے تھے۔ انور سائیں کے وصال کے بعد انور سائیں کے عرس کی خدمات بھی استاد عنایت اللہ کے سپرد تھیں۔ 1997 میں استاد عنایت اللہ اپنے حقیقی مالک سے جا ملے۔ آپ درگاھ انوار سائیں کے صحن میں اپنی ماں کے قدموں میں مدفون ہیں۔ اس نے مرشد کی راہ پر چل کر اس طرح زندگی گذاری کہ 30 سال گذرنے کے باوجود آج بھی ان کو سب عزت و احترام سے یاد کرتے ہیں۔