AchirdUse these settings →
FCS ڈیپارٹمنٹ ایک ایسا ادارہ ہے جس کی بنیاد ماہی گیروں نے رکھی۔ شروع میں جب اس کی بنیاد رکھی گئی تو اس وقت یہ سوچ نہیں تھی کہ لوگ علاقوں اور ذاتوں میں تقسیم ہو جائیں گے۔ اس وقت سب ایک تھے، کوئی یہ نہیں کہتا تھا کہ میں اس علاقے کا ہوں یا اس جگہ کا ہوں۔ سب کا مقصد ایک تھا اور وہ تھا ماہی گیروں اور اس ادارے کی بہتری۔ میرا صرف یہ کہنا ہے کہ جب پچھلا بورڈ ختم ہوا تو اس کے بعد نیا بورڈ بننا بہت مشکل ہو گیا تھا۔ الیکشن کے وقت FCS کے ملازمین کو سامنے اور پیچھے بہت سی مشکلات اور پریشانیوں کا سامنا کرنا پڑا۔ بڑی مشکل سے الیکشن ہوئے اور یہ بورڈ وجود میں آیا۔ اب ضرورت اس بات کی ہے کہ ماہی گیر اس کی قدر کریں اور آپس میں ایک بن کر رہیں۔ یہی وقت ہے۔ کیونکہ بہت سی اندرونی اور بیرونی قوتیں ایسی ہیں جو اس بورڈ کو نہیں بلکہ پورے FCS ادارے کو ختم کرنے کے لیے تیار بیٹھی ہیں اور کوششیں بھی کر رہی ہیں۔ اس لیے گزارش ہے کہ ایسا نہ کریں جو ادارے کو نقصان پہنچائے۔ اس بورڈ کے ساتھ بہت سی چیزیں بہتر ہو رہی ہیں۔ آپ سب کو چاہیے کہ آئیں، بیٹھیں، دیکھیں اور سمجھیں کہ FCS میں کیا کام ہو رہا ہے اور کس طرح بہتری آ رہی ہے۔ اور جب یہ بورڈ اپنا وقت پورا کر کے ختم ہو جائے تو ہو سکتا ہے آپ ہی میں سے کوئی آئندہ آئے۔ تب آپ کی ذمہ داری ہوگی کہ جو اچھے کام ہو چکے ہیں انہیں برقرار رکھیں اور ادارے کو مزید آگے لے کر جائیں۔ ہم ملازمین شاید ماہی گیر نہ ہوں، لیکن ہم نے اس ادارے کو اپنا وقت دیا ہے۔ ہوسکتا ہے ہم میں سے کچھ لوگ صحیح نہ ہوں، لیکن اکثریت سچے دل سے اس ادارے کے لیے کام کر رہی ہے۔ لہٰذا FCS کی قدر کریں اور اس بورڈ کی بھی قدر کریں۔