Ek din ek chhota sa bachcha apne Abu se zid karne laga

Ek din ek chhota sa bachcha apne Abu se zid karne laga. Uss ne kaha, “Abu mujhe mountain gear wali cycle dila dein. Main is par school jaaya karunga, school se wapas bhi isi par aaunga. Main bazar ja kar sabziyan aur phal bhi le aaya karunga aur shehar mein ghoomne bhi jaunga.” Bachay ki baatein sun kar Abu muskura diye. Agle din Abu ussay cycle ki dukaan par le gaye. Wahan bohat si rang birangi cycles lagi hui theen. Bachay ki nazar ek khoobsurat red mountain cycle par pari to woh khushi se jhoom utha. Abu ne uski khushi dekh kar wohi cycle khareed li. Bachcha bohat khush hua aur cycle chlataa hua ghar aaya. Agli subah woh apna school bag pehen kar nai cycle par school chala gaya. School se wapas aate hue woh bazar gaya aur Abu ke liye phal aur sabziyan bhi le aaya. Bachcha apni cycle ka bohat khayal rakhta tha. Roz ussay saaf karta, gears check karta aur usay bilkul clean aur smooth rakhta. Shaam ko woh khushi khushi cycle chala kar shehar ki sair karta. Is tarah bachay ki pyari si cycle uski khushi bhi ban gayi aur zimmedari bhi.