FenrirUse these settings →
خادم ہسپتال — جہاں آپ کی صحت ہماری اولین ترجیح ہے ۲۵ اپریل بروز ہفتہ، خادم ہسپتال جی ٹی روڈ دینہ میں آنکھوں کے فری میڈیکل کیمپ کا کامیابی کے ساتھ انعقاد کیا گیا۔ اس فری کیمپ میں ۲۰۰ سے زائد مریضوں کا نہایت احتیاط، توجہ اور پیشہ ورانہ مہارت کے ساتھ مفت معائنہ کیا گیا، جس میں ہر عمر کے افراد نے بھرپور شرکت کی۔ اس موقع پر ماہرِ امراضِ چشم کرنل ڈاکٹر مائرہ شفیق اور ماہر جنرل و لیپروسکوپک سرجن میجر ڈاکٹر ندا فیروز نے اپنی قیمتی خدمات پیش کیں۔ دونوں ماہرین نے مریضوں کا تفصیلی معائنہ کیا اور انہیں ان کی بیماری کے مطابق مفید اور ضروری طبی مشورے فراہم کیے، تاکہ وہ نہ صرف اپنی بینائی بلکہ مجموعی جسمانی صحت کا بھی بہتر خیال رکھ سکیں۔ خصوصی طور پر میجر ڈاکٹر ندا فیروز نے بطور جنرل و لیپروسکوپک سرجن مریضوں، بالخصوص خواتین، کو مختلف جراحی مسائل، پیٹ کی بیماریوں اور دیگر طبی مسائل کے حوالے سے رہنمائی فراہم کی۔ انہوں نے جدید لیپروسکوپک طریقۂ علاج کی اہمیت اور اس کے فوائد سے بھی آگاہ کیا، جو کم تکلیف اور تیز صحت یابی کا باعث بنتا ہے۔ کیمپ کے دوران مریضوں کو آنکھوں کی عام اور پیچیدہ بیماریوں جیسے نظر کی کمزوری، موتیا اور دیگر مسائل کے بارے میں آگاہی دی گئی۔ اس کے ساتھ ساتھ بروقت تشخیص اور علاج کی اہمیت پر زور دیا گیا تاکہ بینائی کے مستقل مسائل سے بچاؤ ممکن بنایا جا سکے۔ مزید برآں، مریضوں کو آنکھوں کی حفاظت، صفائی اور روزمرہ زندگی میں احتیاطی تدابیر اپنانے کے حوالے سے بھی رہنمائی فراہم کی گئی تاکہ وہ اپنی آنکھوں کی صحت کو بہتر بنا سکیں اور مستقبل میں پیچیدگیوں سے محفوظ رہیں۔ خادم ہسپتال ہمیشہ کی طرح عوام کی خدمت کے جذبے کے تحت ایسے فری میڈیکل کیمپس کا انعقاد کرتا رہے گا۔ ہمارا عز