قلات میں شہدائے پولیس کی یاد میں آل قلات لیدر بال کرکٹ ٹورنامنٹ کا باقاعدہ آغاز کر دیا گیا

قلات میں شہدائے پولیس کی یاد میں آل قلات لیدر بال کرکٹ ٹورنامنٹ کا باقاعدہ آغاز کر دیا گیا۔ قلات رپورٹ نائب اسرار مینگل ڈسٹرکٹ پولیس قلات کے زیرِ اہتمام اور لیدر بال کرکٹ آرگنائزیشن قلات کے تعاون سے "آل قلات شہدائے پولیس لیدر بال کرکٹ ٹورنامنٹ 2026" شروع کیا جا رہا ہے۔ اس ٹورنامنٹ کا مقصد شہدائے پولیس کی قربانیوں کو خراجِ تحسین پیش کرنا اور مقامی نوجوانوں کو صحت مند کھیلوں کی سرگرمیوں کی طرف راغب کرنا ہے۔ ایونٹ کی تمام تر تکنیکی اور انتظامی نگرانی لیدر بال کرکٹ ایسوسی ایشن قلات کر رہی ہے۔ ٹورنامنٹ میں قلات اور گردونواح کی مختلف مقامی ٹیمیں حصہ لے رہی ہیں، جو اپنی بہترین کارکردگی کا مظاہرہ کریں گی۔ مقامی کھلاڑیوں اور کرکٹ شائقین نے اس اقدام کو سراہتے ہوئے کہا ہے کہ ایسے ایونٹس سے نہ صرف نیا ٹیلنٹ سامنے آتا ہے بلکہ معاشرے میں امن اور بھائی چارے کی فضا بھی فروغ پاتی ہے۔ میچز مغل کرکٹ گراؤنڈ میں کھیلے جائیں گے، جہاں شائقین کی بڑی تعداد کی شرکت متوقع ہے۔