Ek larka jo Matric class mein parhta tha

Ek larka jo Matric class mein parhta tha. Usay computers ka bohat shoq tha. Roz mobile par videos dekhta aur sochta ke kaash uske paas bhi apna desktop computer hota. Ek din woh apne Daed ke paas gaya aur zidd karne laga, “Daed mujhe ek PC dila dein, main us par game khelunga, internet chalaunga, browsing karunga aur bohat kuch seekhunga.” Daed ne pyar se usay samjhaya aur bole, “Beta agar tum Matric achay numbers se pass ho jao, to main tumhein ek Intel ka acha sa desktop PC zaroor la kar dunga.” Yeh sun kar larka bohat khush hua aur bola, “Daed phir main game bi khelo ga, Graphic Designing , video editing seekhunga, YouTube channel banaunga, social media accounts banaunga aur internet par research aur browsing bhi karunga.” Ab larke ne apna sapna poora karne ke liye dil laga kar padhai shuru kar di. Woh roz mehnat karta, books parhta aur exams ki tayyari karta. Kuch arsay baad Matric ka result aaya aur larka bohat achay numbers se pass ho gaya. Daed apne bete ki mehnat dekh kar bohat khush hue. Daed ne apna wada poora kiya aur uske liye Intel ka naya desktop PC le aaye. Computer dekh kar larka khushi se jhoom utha. Ab woh roz computer par baith kar Graphic Designing, Photoshop aur Video Editing seekhne laga. Usne apna YouTube channel bhi bana liya aur videos upload karna shuru kar diya. Dheere dheere logon ko uski videos pasand aane lagin. Uske subscribers barhte gaye, pehle hazaron, phir lakhon aur phir million subscribers ho gaye. YouTube ki taraf se usay Silver Play Button aur phir Gold Play Button bhi mil gaya. Yeh sab dekh kar uske Mom, Daed, bhai aur behen sab bohat proud feel karne lage. Ghar mein khushi ka mahaul tha۔ Is tarah larke ne sabit kar diya ke mehnat, himmat aur lagan se har sapna sach ho sakta hai۔