02089714-752e-4bca-93d9-ce733d430c44

قدرت کا ایک حیران کن منظر دیکھیں۔ ایک چیتا اپنے ننھے بچوں کے ساتھ ایک ساہی کو شکار بنانے کی کوشش میں لگا ہوا ہے۔ اسے بخوبی اندازہ ہے کہ یہ آسان ہدف نہیں، کیونکہ ساہی کے جسم پر لگے تیز کانٹے کسی بھی لمحے اسے شدید زخمی کر سکتے ہیں۔ مگر بھوک اور اپنے بچوں کو کھلانے کی فکر اسے رکنے نہیں دیتی۔ وہ بار بار اپنی حکمتِ عملی بدلتا ہے. کبھی دائیں جانب سے بڑھتا ہے تو کبھی بائیں طرف سے حملہ کرتا ہے . لیکن ساہی ہر بار اپنے نوکیلے کانٹے پھیلا کر اسے دور ہٹنے پر مجبور کر دیتا ہے۔ کئی گھنٹوں کی مسلسل کوشش کے بعد، جب چیتا تقریباً ہار ماننے ہی والا ہوتا ہے. اسے ایک نادر موقع مل جاتا ہے۔ وہ بڑی مہارت سے ساہی کے اس حصے پر وار کرتا ہے جہاں کانٹے نہیں ہوتے، اور آخرکار کامیاب ہو جاتا ہے۔ لیکن اس کامیابی کی بھاری قیمت بھی چکانی پڑتی ہے—اس کے جسم میں دھنسے بے شمار کانٹے. جنہیں وہ اب شدید تکلیف کے ساتھ ایک ایک کر کے نکال رہا ہے .